Këngëtarja Beatrix Ramosaj është tronditur nga një lajm aspak i këndshëm për të dhe familjen e saj.
Këngëtarja shkruan për ngjarjen e ndodhur në Llapashticë në Kosovë, ku persona të paidentitikuar kanë shkatërruar varret.
Ajo ka kërkuar ndërhyrjen e autoriteteve që të ndalojnë personin përgjegjës, që shkatërroi rreth 80 gurë varresh në fshatin Llapashticë e Poshtme në Kosovë.
Sipas këngëtares, më e dhimbshme dhe tronditëse për të është fakti se mes varreve të dhunuara është ai i babait dhe familjarëve të saj.
Reagimi i plotë në facebook:
“Po shkruaj e tronditur…
Ka një javë që ka ndodhur kjo tragjedi në fshatin tim, Llapashticë e Poshtme, dhe unë vetëm sot e mora vesh. Jam e tmerruar për faktin që kjo ngjarje nuk ka marrë vëmendjen e duhur.
Ndërkohë që unë shkruaj personi përgjegjës për këtë është i lirë.
Ky person ka dëmtuar gurët e 82 varreve, përfshirë dhe atë të babit tim dhe familjarëve të mi.
Iu lutem autoriteteve në Kosovë të bëjnë të mundur zbardhjen e çështjes dhe te vendosin drejtësi për personin përgjegjës. Nuk bëhet fjalë vetëm për dëm material, ajo çfarë më vret me shumë është dëmi emocional”.
