Forca të shumta policie kanë rrethuar ambientet e jashtme të gjykatës së Shkodrës. Burimet bëjnë me dije se në këtë gjykatë do të trajtohet çështja e një prej personave të klanit Bajri, Safet Rustemi (Bajri).
Sipas Fax news, Bajri pritet të njihet me dosjen e hapur që ka me drejtësinë belge, ku ka një dënim me 22 vite burg për vepra të ndryshme penale.
Në ambientet e gjykatës janë parë sot dhe një pjesë e familjarëve të tij. Mbetet e paqartë pse ky rast është veçuar nga 8 masat e tjera që do të jepen në Gjykatën e Krimeve të Rënda në kryeqytet.
Seanca te Krimet e Rënda do të mbahet rreth orës 14:00 për personat e tjerë të arrestuar, teksa 2 prej tyre janë arrestuar në Hollandë.
Mbi 11 personat e arrestuar të klanit Bajri rëndojnë një sërë akuzash, ku më e rënda është ajo e vrasjes, ku dy të tilla janë tashmë të dokumentuara nga ana e policisë.
Të gjitha arrestimet janë kryer me vendim të Gjykatës së Krimeve të Rënda.
Ata janë:
1. Behar Brajoviq (Bajri) arrestuar në Roterdam, Holandë;
2. Samet Halluni, i arrestuar në Roterdam, Holandë;
3. Ilir Rustemi, i arrestuar në ndërhyrjen e datës 6 shtator në Shkodër;
4. Emrah Plaku, i arrestuar në ndërhyrjen e datës 6 shtator në Shkodër;
5. Astmer Bilali, i arrestuar në ndërhyrjen e datës 6 shtator në Shkodër;
6. Armir Grimaj, arrestuar në Shkodër;
7. Safet Rustemi (Bajri), i arrestuar në Tiranë;
8. Fabiol Rexhepi, i arrestuar në Shkodër;
9. Ismet Idrizi, i arrestuar në Shkodër;
10. Denis Brajoviq, i arrestuar në Tiranë;
11. Klaudio Hoxhalliu, i arrestuar në Tiranë.
Në kërkim u shpallën 2 anëtarë të këtij grupi kriminal, për të cilët Gjykata ka dhënë masën e sigurisë “Arrest me burg”, për shtetasit:
E.B., 45 vjeç, dhe N.H., 34 vjeç.
https://youtu.be/01tCSnS_tiI
