Një bari u gjet i pajetë në zonën e Bjeshkëve në Tropojë. Ka qenë një banor i zonës, që ka lajmëruar Policinë për praninë e një viktime të vrarë me armë zjarri.
Dyshimet e para ishin se ai mund të ishte vetvrarë,por tashmë është zbuluar dhe konfirmuar se ka qënë një vrasje.
Policia ka arritur të identifikojë autorin e vrasjes së 69-vjecarit ne Tropojë. Autori me iniciale N.L 54 vjeçm banues në Tiranë.
Në njoftimin e policisë thuhet:
Në lidhje me ngjarjen e ndodhur mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ngriti një grup të posaçëm hetimor.
Falë veprimeve të shpejta dhe profesionale si dhe hetimeve intensive nga grupi hetimor, u bë e mundur identifikimi i autorit të dyshuar shtetasi N.L, 54 vjeç banues në Tiranë.
Shtetasi N.L dyshohet se më datë 18.09.2018, për motive të dobëta dyshohet se ka vrarë me armë zjarri në banesën e tij në bjeshkën e Doberdolit, Tropojë Fshat, shtetasin T.B., 69 vjeç, banues në Tiranë.
Vijon puna për kapjen e autorit të dyshuar të kësaj ngjarje.
Materialet i kaluan Prokurorisë pranë Gjykatës së Shkallës së Parë Tropojë, për veprat penale të parashikuara nga nenet 76 e 278 të Kodit Penal
