Kryetari i Partisë Demokratike, Lulzim Basha priti sot në selinë blu, kryetarin e Kuvendit të Kosovës, Kadri Veselin.
Takimi zgjati për disa orë, ndërkohë që Basha dhe Veseli kanë dalë dhe në një deklaratë për mediat.
Në fjalën e tij Basha ka vënë theksin tek forcimi i unitetit në Kosovë, në rajon por edhe në Tiranë duke mos lejuar cënimin e kufijve.
“Theksi në këtë kohë sfidash për Kosovën dhe rajonin është uniteti. Por edhe bashkimi i faktorit të Kosovës por dhe të Tiranës, për të’i shërbyer interesit kombëtar, interesit të popullit të Kosovës që është sovrani. Duhet parimi i pacenueshmërisë se kufijve, dhe përcaktimi i qartë i Kosovës si anëtare në NATO dhe në BE, rruga e të cilës kalon përmes reformave”, është shprehur Basha.
“Duhet sa më shpejt platforma kombëtarë, për dialogun me Serbinë. Vullneti i qytetarëve është Kosova të pranohet në OKB, e të ecë në rrugëtimin drejt BE e NATO, të ketë raporte të mira me fqinjët.
Partitë në Shqipëri janë përkrahësit më të mëdha të shtetit tonë, Kjo është e ardhmja jonë, një Ballkan stabili, i integruar ku jetohet në fqinjësi të mirë, pa hyrë në punët e njëra tjetrës”, ka thënë kreu i Kuvendit të Kosovës.
https://www.facebook.com/lulzimbasha.al/videos/547522025677486/
