E bllokuar në det dhe me defekt, një anije gjermane u nxorr në portin e Durrësit me ndihmën e një anije shqiptare.
Mësohet se anija me vela me 4 persona në bord u ndihmua të rimorkiohej në Portin e Durrësit nga anija “Briza” e Forcës Detare shqiptare.
Anija gjermane kishte dhënë defekte gjatë lundrimit në det të hapur.
Mësohet se anija ishte një anije turistike “Foxtrot” e cila kishte pësuar defekt në sistemin e drejtimit dhe kërkoi ndihmë duke njoftuar Forcën Detare pasi e kishte të pamundur lundrimin.
Sipas ministrisë së Mbrojtjes, “Anija shqiptare “Briza” kreu me sukses rimorkimin e anijes gjermane dhe 4 personat në bord nuk rezultuan me asnjë problem.
Gjatë operacionit në ndihmë të anijes gjermane asistuan edhe mjete detare të policisë kufitare si dhe pilotazhit të Portit të Durrësit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
