Ashtu siç raportuam disa ditë më parë, Komisioni i Pavaruar i Kualifikimit, nis seancat dëgjimore këtë të enjte.
Ka nisur kështu seanca dëgjimore për prokurorin Bujar Hoti, prokuror i Apelit të Durrësit. Ai është pjesë e listës prioritare të vetingut për shkak të kandidimit të tij për Këshillin e Lartë të Prokurorisë.
Sipas njoftimit të KPK-së, seanca dëgjimore do të drejtohet nga komisioneri Lulzim Hamitaj dhe anëtarët Brunilda Bekteshi dhe Olsi Komici.
Prokurori Bujar Hoti ka një karrierë të gjatë si prokuror dhe përgjatë një dekade ai ka drejtuar Prokurorinë e Apelit në Durrës. Në vitin 2013, ai u shkarkua nga detyra si drejtues dhe e kundërshtoi vendimin në gjykatë. Megjithatë, prej vitit 2013 ai ushtron detyrën si prokuror në Prokurorinë e Apelit Durrës.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurorit Bujar Hoti nga viti 2003 deri në fund të vitit 2017.
Si ka ndryshuar pasuria e tij nga viti 2003 deri në fund të vitit 2017 e gjeni në shkrimin me link më poshtë.
