Dy persona janë arrestuar në Vlorë, teksa po përpiqeshin të vidhnin një portofol. Por nuk mjafton me kaq.
Ata janë arrestuar pasi nga verifikimet e bëra nga policia, Astrit Lushaj, 39 vjeç dhe Stiliano Arizi, 34 vjeç, rezultojnë të kenë kryer edhe të paktën 4 vjedhje në bashkëpunim me njëri-tjetrin.
Pas hetimeve, konkretisht dy personat e sipërpërmendur dyshohen edhe për këto vjedhje:
1- Më datë 29.08.2018, është vjedhur banesa e shtetasit I.D, ku është marrë shuma prej 1500 Euro.
2- Më datë 21.08.2018, kanë tentuar t’i vjedhin banesën shtetasit E.D.
3- Më datë 17.08.2018, në banesën e shtetasit B.K, i janë vjedhur 65.000 lekë dhe disa bizhuteri me vlerë.
4- Më datën 05.08.2018, është tentuar të vidhet banesa e shtetasit A.Ç.
Materialet i janë referuar Prokurorisë në ngarkim të tyre për veprën penale “Vjedhja” e kryer në bashkëpunim, parashikuar nga nenet 134 dhe 25 të Kodit Penal.
