Si pasojë e përplasjes së fortë kanë mbetur të plagosura tre femra.
Një aksident ka ndodhur në Fushë Mamurras në autostradën Fushë Krujë- Milot, ku tre gratë po udhëtonin teksa makina u doli nga rruga.
Sipas të dhënave të para, një automjet tip “Renault Clio” me targa AA970KU, ka dalë nga rruga dhe ka përfunduar në kanal.
Deri më tani, raportohet se gjendja e njërës prej tyre paraqitet më e rëndë.
Policia ka mbërritur në vendin e ngjarjes dhe po punon për zbardhjen e rrethanave të aksidentit, të plagosurat janë dërguar në Spitalin e Traumës në Tiranë.
