VIDEO/Rrëfimi, kriza ekonomike detyron gratë të shesin trupin e tyre në këmbim të parave

Gratë nga Venezuela janë duke u shtyrë drejt prostitucionit dhe seksit  në Kolumbi për të mbijetuar dhe ushqyer fëmijët e tyre.

Një investigim i Sky News, zbuloi se një numër i madh grash po drejtohen drejt të qënit prostituta dhe të ofrimit të seksit për të fituar para.  Ato u gjetën duke bërë biznes në rrugët e qytetit kufitar të Cucuta.

Në një klub, shumica dërrmuese e grave që punonin si prostituta ishin nga Venezuela.
Në një bordello ishin plot 60 gra, nga të cilat vetëm dy kolumbiane, ndërsa pjesa tjetër ishin venezuelane.

Një nënë e dy fëmijëve, e cila dikur ishte balerinë dhe biznesmene në Venezuelë përpara se vendi të hynte në një krizë ekonomike të thellë, i tha Sky News:

“Do e lija së bëri këtë gjë, nëse kishte ndonjë mundësi tjetër. Kjo është një punë e turpshme, por çfarë opsioni kam? Unë duhet të fitoj para për t’u kujdesur për fëmijët e mi dhe t’i ushqej. Nuk ka asgjë në Venezuelë. E vetmja mënyrë për të vënë ushqim në tryezë për fëmijët e mi është të shkosh këtu në Kolumbi dhe të shes trupin tim”.

Një grua tjetër, nëna e një djali një vjeçar, tha se ajo dikur ishte një parukere.

“Nëse gjërat gjithnjë bëhen më të mira në Venezuelë, do të dëshiroja të krijoj biznesin tim. Çdo gjë do të ishte më mirë. Unë e bëj këtë sepse duhet ta bëj këtë.
Unë nuk merrem me drogë, nuk pi. Unë vetëm bëj këtë. Nëse mund të bëja diçka më të mirë, do ta bëja … dhe do ta ndaloja këtë që po bëj menjëherë.”tha ajo.

Gratë folën për ndjenjën e pafuqisë dhe pranojnë se mundësitë e tyre janë jashtëzakonisht të kufizuara, pa asnjë dokument zyrtar që ti lërë ligjërisht  në Venezuelë në afat të gjatë.

Qytetarët e një prej kombeve më të pasura në Amerikën Latine, tashmë janë të varfër dhe të zhytur në mjerim. Kriza politike dhe ekonomike në Venezuelë ka shkaktuar një sër problemesh në vend duke sjellë dobësim të ekonomisë së vendasve.

/DRONI.al/