Një tentativë për grabitjen e një banke të nivelit të dytë në Fushë- Krujë ka dështuar këtë të mërkurë.
Policia njofton se tentativa e dy personave ka nisur rreth orës 03:30 të natës. Hajdutët janë munduar të hapin derën e jashtme të bankës me mjete të forta dhe pavarësisht se kanë hyrë brenda, kanë dalë me shpejtësi pa asnjë kacidhe.
Njoftimi i Policisë:
Më datë 09.08.2018, ora 03:30, në Fushë-Krujë, është tentuar të vidhet duke hapur me mjete të forta derën e jashtme të një banke të nivelit të dytë. Punohet për indentifikimin e kapjen e autorëve.Neni 22 dhe 136 i Kodit Penal.
