Vazhdojnë të kultivohen ende kanabis. Zonat ku janë zbuluar parcelat e reja janë po njësoj, nuk ndryshojnë. Janë gjetur 20 parcela ku ishte kultivuar kanabis në fshatrat e Vlorës.
Disa ditë më parë, dolën lajme për parcela droge të gjetura në zonën e Tepelenës.
Gjatë 2015-ës dhe 2016-ës, të dhënat apo dhe raportet e shtetit italian treguan se kultivimi në Shqipëri zinte vendin e parë.
Kujtojmë disa nga faktet kryesore kryesore se çfarë thoshte raporti i fundit i antidrogës nga Italia.
Shqipëria është vendi i origjinës së shumicës së sasive të kanabisit që kanë si destinacion tregjet italiane dhe evropiane’.
-Importet e marijuanës në Itali janë rritur ndjeshëm duke arritur në vitin 2017 në një rekord të konfiskimeve, mbi 90 ton nga rreth 41 tonë që ishin në vitin 2016″.
-Për më tepër klanet shqiptare kanë treguar se kanë një aftësi në rritje të menaxhimit në kultivimin e marijuanës dhe trafikimit të saj’.
-Sipas dokumentit, ato përdorin bimë me rendiment të lartë dhe metodat gjithnjë e më të larmishme të fshehjes, kultivimit dhe transportimit në brigjet italiane.
-Grupet e krimit shqiptar konkurrojnë me organizata të tjera kriminale për kontrollin e pjesëve të rrugëve të trafikimit që arrijnë në Itali, si dhe për menaxhimin e rrjeteve të shpërndarjes së drogës.
-Nga të dhënat e raportit shqiptarët zinin vendin e parë në rrjetet kriminale të huaja të narkotrafikut të përfshirë në trafikun e drogës.
-Raporti vlerëson se 94 rastet e raportuara në vitin 2017 të trafikimit të drogës janë më të lartat në dekadën e fundit ndërkohë që vlera më e ulët shënohej në vitin 2011, me 49 raste.
