Është plagosur rëndë pasi u aksidentua me motorin e tij. 31 vjeçari është transportuar me urgjencë në Tiranë, pas plagëve të shumta të marrë në trup.
Ngjarja ndodhi mbrëmë rreth orës 21:00, afër fshatit Iliras të Memaliajt, në aksin Tepelenë-Fier.
Sipas policisë, shtetasi me inicialet A.B, banues në Tiranë, duke drejtuar motorin tip “Honda Hornet”, me targë TR 877 F, ka humbur kontrollin dhe është rrëzuar në rrugë, ku për pasojë ka mbetur i dëmtuar.
Pasi mori mjekim në spitalin Rajonal të Gjirokastrës “Omer Nishani”, është dërguar për në spitalin e traumës Tiranë, në gjendje të rëndë shëndetësore.
