Prej disa ditësh është kthyer në jehonë, lajmi se plazhet në jug të vendit janë bosh. Deputetë, gazetarë dhe pushues kanë denoncuar herë pas here braktisjen e plazheve më të bukura të vendit si dhe çmimet stratosferike jashtë çdo norme.
Për të çtensionuar situatën, gazetari i kronikës në Abc News, Armand Bajrami ka menduar të thurë disa vargje për të treguar paksa në mënyrë të veçantë dhe komike situatën e krijuar.
“”Himni” i plazheve t’jugut”, e ka titulluar gazetari Bajrami poezinë e tij të cilën e ka ndarë në rrjetin social Facebook.
Poezia
“Himni” i plazheve t’jugut
O plazh ne jug, o plazh urate
O vend bekuar, i mbetur thate
Lagur me det, djeg n’diell t’arte
Bosh dhe ne gusht, bosh o i zi
Fortese denglash, tmerr varfanjaku
S’te tremb klienti, s’te ze meraku
Kerkese nuk ke per c’te ofron pragu
Plazh kontrovers n’ekonomi
Ti per ca vite u gjallerove
E me gezim zerot n’cmim shtove
Po per sherbimin hic nuk mendove
Plazh i munguar per vegjeli
Sa shpejt pastaj per dhe u shtrive
Se ca pushuesve zemren u ngrive
U tha se omleten per pule shite
E nje shezlong per nje shtepi
Kaq keq nuk je, por nami doli
Se shpon ne shpirt bosh-portofoli
Ndaj koken ngri pushuesve foli
Dhuroju rehat e dashuri
Ti arrogancen hic s’e kurseve
Jo vec n’fature, po dhe ne sjellje
Seder klienti kurre s’perkedhele
Plazh ujekristal n’Jale e n’Dhermi
Perpjete prije shqiptarine
Perlind deshiren n’jug t’bejne pushim
Te lene Turqine edhe Greqine
T’i japin leket per vellazeri!
©Armand Bajrami
p.s.
Krijimi i mesiperm eshte bere ne nje cader plazhi ne jug. Ka qellim thelbesor dhurimin e buzeqeshjeve. 
