Boçi:133 mijë nxënës braktisin shkollat, Rama dhe Nikolla heshtin para dëmit historik

Nuk ka asnjë reagim pas konstatimit të partisë demokratike se shkollat janë braktisur nga 133 mijë nxënës.

Deputeti Luçiano Boçi nga selia blu në një deklaratë për mediat, u drejtohet kryeministrit Rama dhe ministres Nikolla se po e kalojnë në heshtje braktisjen e shkollave nga të rinjtë.

Kjo sipas tij, vjen sepse cilësia e mësimdhënies është ulur me vite, nuk ka investime në arsim dhe as në pajisje për të përmirësuar cilësinë e mësimdhënies.

Shkatërrimi i arsimit është plani korruptiv i Edi Ramës, për ti lënë të rinjtë të paarsimuar. Kjo situatë, shprehet deputeti, duhet ndryshuar.

Partia demokratike, do të pajisë me libra ata që nuk kanë mundësinë ti blenë pavarësisht gjendjes së vështirë ekonomike dhe do të mbështesë mësuesit të punojnë në kushtet e duhura profesionale./K.Balliu

https://www.facebook.com/lulzimbasha.al/videos/1997724810278690/?notif_id=1533460393637768&notif_t=live_video