Një 20-vjeçar me sindromën Down u vra nga policia në Stokholm, pasi kishte në dorë një pistoletë. Ngjarja ndodhi në lagjen e Vasastanit. I riu ishte larguar nga shtëpia e tij që në mëngjes, ndërsa mbante me vete dhe një pistoletë lodër.
“I riu mbante në dorë një objekt të ngjashëm me armë, policia e interpretoi këtë situatë si armiqësore dhe hapi zjarr”, shpjegoi prokurori i çështjes.
“Ne jemi shkatërruar plotësisht…Jemi në një gjendje shoku,” tha nëna e viktimës, Katarina Soderberg. “Ai nuk ishte në gjendje të kërcënonte askënd, e vetmja gjë që mund të bënte ishte përqafimi dhe puthja”, tha ajo për gazetën lokale ‘Mitt i Stockholm’, duke shtuar se djali ishte si “arushi më i këndshëm dhe më paqësor në botë”, shkruan ‘Tgcom’.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
