Duke nisur nga shtatori, Komisioni i Pavarur i Kualifikimit do të nisë rivlerësimin për listën e dytë. Në këtë listë renditen emrat e 7 kandidatëve për Gjykatën Kushtetuese, e cila momentalisht ka mbetur me vetëm dy anëtarë.
Sipas ‘Panorama’, kandidatë për Gjykatën Kushtetuese, të cilët më parë do të kalojnë përmes filtrave të vettingut e më pas dritën jeshile nga KED janë:
Ilir Mustafaj
Luan Dervishi
Rexhep Bekteshi
Ragleta Panajoti
Valbona Bala
Arta Vorpsi
Elsa Toska
Nga ana tjetër, pas marrjes së vendimit të formës së prerë të shkarkimit të Fatos Lulos nga Kushtetuesja, është shpallur edhe vakanca për zëvendësimin e tij.
Edhe Gjykata e Lartë është në kolaps, pasi ka mbetur me katër anëtarë, ndërsa duhet të kishte minimumi pesë të tillë.
