Partia demokratike, pa pjesëmarrjen e LSI që përfaqëson pjesën tjetër të opozitës, ka hartuar një paketë me 7 pika, të cilat janë për mazhorancën, si kushti i vetëm që ajo të pranojë të votojë ligjin për magjistratët.
Kjo paketë është hartuar, në një kohë që pritej miratimi i projektligjit për gjyqtarë dhe prokurorë.
1.Të qëndrojmë besnik konsensusit të 21-22 korrikut 2016. Të çbëhen rregullat ligjore që janë miratuar njëanshëm në kundërshtim me frymën e konsensusit dhe në kundërshtim me Kushtetutën.
2.Zgjidhja e situatës së paligjshmërisë në organin e prokurorisë, paligjshmëri që ka kapur gjithë piramidën e prokurorëve.
3.zgjidhje e situatës së paligjshmërisë me procedurën e përzgjedhjes së anëtarvë te jashtëm të KLGJ dhe KLP. Këto këshilla duhet të zgjidhen sipas Kushtetutës.
4.Zgjidhje urgjente e ngërçit të krijuar në Kushtetuese. Sa kohë që nuk ka Gjykatë Kushtetuese, vendi është në kushtet e grushti të shtetit.
5.Zgjidhja urgjente nga ngërçi i krijuar nga tejzgjatja e periudhës tranzitore që të ngrihet KLGJ e KLP.
6.Ecuria normale sipas Kushtetutës dhe ligjeve të procesit të Vettingut, ndërprerja e menjëhershmne e ndërhyrjes politike nga ana e mazhorancës.
7.Komision koordinimi që e përcakton dhe kushtetuta që të jetë i balancuar dhe i paanshëm që të mbikëqyrë ngritjen e organeve të reja të sistemit të drejtësisë.
