Një ngjarje e rëndë është parandaluar këtë të hënë nga ana e policisë, sherr i cili mund të kishte precipituar në një tragjedi të rëndë.
Një burrë i moshës 40 vjeçare me inicialet E.I ka ngacmuar seksualisht një grua të re në moshë, vetëm 24 vjeçare.
Ngjarja nuk ka përfunduar këtu pasi e reja ka vënë në dijeni të shoqin për këtë ngjarje. Teksa shtetasi 36 vjeçar ka shkuar të sqarohet me 40 vjeçarin, ky i fundit e ka goditur me mjete të forta, duke e lënë të plagosur.
Nga Specialistët e Seksionit për Krimet u bë arrestimi në flagrancë i shtetasit:
E.I., 40 vjeç, banues në Skrapar.
Arrestimi i tij u bë pasi ka ngacmuar seksualisht shtetasen O.Xh., 24 vjeçe, si dhe ka dëmtuar lehtë me mjete të forta, bashkëshortin e saj shtetasin K.Xh., 36 vjeç.
Materialet i kaluan Prokurorisë së Rrethit Gjyqësor Berat për veprën penale “Ngacmime seksuale’’ dhe ‘’Plagosje e lehtë me dashje’’, parashikuar nga nenet 108/a dhe 89 të Kodit Penal./g-e
