Një grabitje me armë ka ndodhur në orët e para të mëngjesit në fshatin Brezhdan të Peshkopisë, ku si pasojë ka mbetur i plagosur 29 vjeçari E.S, djali i shtëpisë.
“Më datë 14.07.2018, rreth orës 04.00, në banesën e shtetasit A.S, në fshatin Brezhdan dyshohet se janë futur dy persona të maskuar dhe nën kërcënimin e armës kanë marrë një shumë lekësh dhe një aparat celular. Autorët dyshohet se kanë plagosur me armë zjarri në pjesën e dorës, shtetasin E.S, 29 vjeç, i cili pasi ka marrë ndihmën mjekësore në spitalin e Peshkopisë është larguar për në banesë”, thotë policia.
Policia e Dibrës sapo ka marrë informacion kanë shkuar menjëherë shërbimet dhe si rezultat i veprimeve të shpejta janë shoqëruar në ambjentet e policisë disa persona që dyshohet se kanë dijeni apo lidhje me këtë ngjarje, ku për arsye hetimi nuk bëjmë me dije të dhëna të tjera.
Vijojnë hetimet në bashkëpunim me Prokurorinë Dibër, për zbardhjen dhe dokumentimin e plotë të ngjarjes, identifikimin dhe arrestimin e autorëve.
