Kryeministrja britanike Theresa May ka reaguar së fundmi në lidhje me dorëheqjet që kanë ndodhur këto ditë nga qeveria e saj të cilat kishin shkak protestën ndaj “linjës së butë” të ndjekur prej saj në raport me Bashkimin Europian.
“Nuk do të lejohet më ardhja e njerëzve nga Europa në Britani me mundësinë e largët që ata të gjejnë punë” shkruan May në fb.
“Ne do të mirëpresim gjithmonë profesionistët të aftë të cilët ndihmojnë ekonominë tonë të lulëzojë, nga mjekët tek infermieret, inxhinierët dhe sipërmarrësit, por për herë të parë në dekada, ne do të kemi kontroll të plotë të kufijve tanë”shton kryeministrja britanike.
Shefja e qeverisë britanike në postimin e saj parashtron edhe disa pyetjeve, për të cilat jep dhe përgjigje disa pyetjeve që ngrihen tashmë.
“Plani i hartuar nga qeveria britanike për Brexit javën e kaluar “do të thotë fundi i lirisë së lëvizjes?
A do të jemi në gjendje të nënshkruajmë marrëveshjet tona tregtare?
Dhe a do të jetë Mbretëria e Bashkuar jashtë juridiksionit të Gjykatës Evropiane?
Unë jam e kënaqur të them se përgjigjet janë shumë të thjeshta:. Po, po dhe po”
