Artistët dhe qytetarë të profesioneve të ndryshme janë mbledhur sërish mbrëmjen e sotme para Teatrit Kombëtar, ku po protestojnë për mos lejimin e prishjes së kësaj godine.
I pranishëm në këtë protestë analisti fatos Lubonja, tha se teatri është i shenjtë sa një kishë apo xhami.
Sipas analistit teatri është një ndjenjë që bashkon shpirtrat e shumë njerëzve.
Pjesë nga fjala e tij:
“Një teatër mund të quhet vend i shenjtë si kisha apo xhamia. Në kuptimin si shtëpi e artit dhe thelbin e thotë Gëtja kur flet për të shenjtën: Diçka që bashkon shumë shpirtra.
Ne kemi nevojë për tu bashkuar. S’mund të ndërtosh një gjë të shenjtë kur ke gjysmën e shqiptarëve kundër dhe do të prishësh një gjë. S’mundesh”!
Kur bën analizën e asaj që pse ndodh kjo që prishin, kemi pasur problem që vendimet janë marrë nga lart-poshtë, që është vendosur edhe e kanë bërë. Ky është një moment i rëndësishëm nëse duam të mbrojmë diçka të shenjtë që është bërë nga historia”
