Sot pritej të jepej vendimi në lidhje me bandën e Shullazit, por është shtyrë për të dytën herë rradhazi pretenca për Emiljano Shullazin dhe katër anëtarët e tjerë të bandës së tij.
Shkaku i kësaj shtyrje është mungesa e avokatëve të të pandehurve. Seanca gjyqësore e rradhës është caktuar për në datën 24 korrik në orën 09:00.
Të pandehurit Emiljano Shullazi, Gilmando Dani, Besmir Shullazi, Endrit Qyqja, Endrit Zela akuzohen për disa vepra të rënda penale, të kryera në periudhën 2014-2016, për të cilat rrezikojnë denime deri në 15 vite burg.
Veprat penale për të cilat akuzohen jane:
-“Shtrëngim me anë të kanosjes për dhënie pasurie”, në dëm të shtetasve Ylvi Beqja, Jani Zaka dhe Adriatik Kërçuku
-Kanosje për shkak të detyrës, në dëm të shtetasve Mynyr Kone dhe Dhori Kule
-“Shkatërrim prone me eksploziv”, në dëm të pronës së shtetasve Jani Zaka dhe Adriatik Kërçuku
-“Grup i strukturuar kriminal”
-“Veprime në kuadër të grupit të strukturuar kriminal”
