Një person i armatosur qëlloi me armë ditën e sotme në aeroportin e Floridas, duke lënë 5 të vdekur dhe 13 të plagosur. Policia ka arrestuar menjëherë autorin e dyshuar për sulmin, i cili është një ish-ushtarak me origjinë hispanike, i quajtur Esteban Santiago.
Emri i autorit është konfirmuar nga senatori Bill Nelson, ndërsa mësohet se në momentin e arrestimit ai kishte me vete një kartë identiteti ushtarake.
“Sulmuesi i dyshuar u arrestua”, njoftoi MSNBC, duke cituar burime nga policia amerikane.
Mediat amerikane njoftojnë se i pranishëm në vendin e ngjarjes ishte edhe ish-sekretari për media i Shtëpisë së Bardhë, Ari Fleischer.
Ish-sekretari amerikan ka shkruar në rrjetin social Twitter.
“Jam në Aeroportin Ft. Launderale. Ka të shtëna armësh. Të gjithë po ikin”.
Më vonë, ai ka bërë të ditur se situata ka filluar të qetësohet dhe Policia kanë bllokuar daljet e Aeroportit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
