Pas ditës së djeshme, ku u raportua se dy të rinj i kishte zënë godina teksa mblidhnin skrap, ka ndërruar jetë mëngjesin e sotëm në Spitalin e Traumës 22-vjeçari që mbeti dje i plagosur në zonën e Laçit.
Dashamir Jahja pavarësisht ndërhyrjes së mjekëve nuk ka mundur që ti shpëtojë dot plagëve të marra, dhe ka ndërruar jetë në sallën e operacionit.
Dashamir Jahja
Ndërkohë që dje vdiq dhe shoku i tij Drilon Lamaj, 27 vjeç. Të dy ata ishin duke mbledhur skrap në një ndërtesë të vjetër në zonën e uzinës kur është shkëputur soleta, duke shkaktuar dhe ngjarjen tragjike. Dy personat qëndruan më shumë se 15 minuta dje në rrënojat e godinës.
Drilon Lamaj
