Pak ditë më parë familjarët kishin mbërritur në dyert e policisë për të njoftuar zhdukjen e vajzës së tyre, dhe menjëherë uniformat blu u vunë në lëvizje për gjetjen e saj.
Pas disa ditë kërkimesh policia arriti të gjejë M.S, e denoncuar e zhdukur nga familjarët. Por në momentin që ajo ka komunikuar me uniformat blu, vajza ka thënë se është larguar me dëshirën e saj.
Ndërkohë që një tjetër person i njoftuar si i zhdukur është gjetur këtë javë nga policia e Tiranës, e cila më pas u është dorëzuar familjarëve.
NJOFTIMI I POLICISE:
Në vijim të komunikatës të datës 23.06.2018, që bënë fjalë për largimin nga banesa të shtetases S. T., u gjet dhe ju dorëzua familjarëve, e cila deklaroi se ishte larguar me dëshirën e saj. Materialet u referuan në Prokurorinë pranë Gjykatës Shkallës së Parë Tiranë.
Në vijim të komunikatës të datës 28.06.2018, që bënë fjalë për largimin nga banesa të shtetases M. S., u gjet dhe ju dorëzua familjarëve, e cila deklaron se është larguar me dëshirën e saj. Materialet u referuan në Prokurorinë pranë Gjykatës Shkallës së Parë Tiranë
