Deputeti i PD, Myslym Murrizi në komisionin parlamentar të sigurisë ku është diskutuar për dhunën dhe krimin, ka thënë se policia e shtetit në këto 5 vite nuk ka pasur kohë te merret me këto probleme, pasi është marrë me trafikun e drogës.
Lidhur me seriozitetin me te cilin po trajtohet kjo ceshtje Murrizi tha se mazhorancës i është dukur sikur po flet për vëllezërit artistë Zena, por në të vërtetë PD ka folur për Fatmir dhe Agron Xhafaj.
“Në këto 5 vite policia ka qenë e angazhuar me një axhendë tjetër. Fakti që brenda 5 viteve në mazhorancën tuaj kemi parë në krye të policisë dy ministra të Brendshëm, jo rastësisht se këto nuk janë zgjedhur me goglat e telebingos, por janë zgjedhur të piketuar. I pari ishte kampioni, i dyti që zëvendësoi kampionin kanë qenë strategji e mazhorancës tuaj që në krye të këtijn institucioni prej 14 mijë trupash që duhet të luftonin dhunën, krimin dhe trafiqet, ishte pjesë e bandave që kontrollonin trafikun.
Disa herë opozita ka bërë me dije edhe për ish-ministrin edhe për ministrin, që kemi kaluar një ligj për vettingun e 14 mijë trupave, për mos pasjen e kredibilitetit moral që ky ministër të jetë në krye të këtij ligji. Në formularin e tyre do të thuhet që nëse gjatë karrierës së tyre a kanë takuar ndonjë njeri të inkriminuar, të pandehur kur vetë ministri ka vëllanë e tij as të pandehur dhe as kontigjent, por të faktuar dhe të dënuar me vendim të formës së prerë nga gjykata italiane si pjesë dhe trafikant droge.
Shpesh u kemi thënë vëllezërit Xhafaj, por mesa shof nga mazhoranca, nga ata që kanë tagrin e vendimmarrjen, iu është dukur sikur kemi thënë vëllezërit Zena. Jo jo kemi thënë vëllezërit Xhafaj. Sepse njëri është në burg për trafik droge në Romë, tjetri do të bëjë reformë te 14 mijë trupat e policisë nëse kanë takuar Agronin e këtij apo ju. Ju e keni marrë sikur kanë qenë vëllezër artistë.”
