Një sasi e madhe droge është kapur nga policia mbremjen e djeshme në brigjet e Salentos në Brindizi.
Guardia di Finanza në bashkëpunim me Departamentin e Operacioneve Detare në Bari ka arritur të kapë një varkë e cila po transportonte 2.5 ton marijuanë.
Mediat fqinje shkruan se droga vinte nga Vlora, duke theksuar se me shumë gjasa i përket klaneve mafioze të qytetit shqiptar.
Mediat italiane theksojne se ekuipazhi ka arritur të largohet para ardhjes së policisë. Hetimet janë zgjeruar tashmë dhe ka nisur kërkimi për trafikantët dhe prejardhjen e drogës.
