Policia e Kosovës ka reaguar pas interesimit nga Neës24 dhe “BalkanWeb” për ndalimin e shtetasit shqiptar Albert Veliu, i njohur ndryshe si “Dëshmitari X” i audio-përgjimit ku përfshihet Agron Xhafaj.
Në një njoftim të shkurtër dhe pa shumë detaje, policia e Kosovës konfirmon ndalimin por nuk jep arsyen.
“Mund të ju konfirmojmë se Policia e Kosovës bazuar në autorizimet ligjore me dt. 27. 05.2 018, ka ndaluar dy shtetas të Republikës së Shqipërisë. Të ndaluarit janë trajtuar sipas procedurave të parapara ligjore. Me respekt, Zyra për informim e PK-së”, thuhet në përgjigjen e Policisë së Kosovës.
Mediat kosovare dhanë lajmin sot se Veliu ishte ndaluar bashkë me të birin në Shtime të Kosovës.
