Dy persona, burrë e grua të shpallur në kërkim janë arrestuar në Fier, pasi akuzohen për mashtrim duke marrë shumë të mëdha parash.
Fisinik dhe Migena Kajolli, 34 dhe 27 vjeç, nga Dërmënasi i Fierit premtonin punësim në sektorin privat kundrejt shumave të ndryshme, në total ata kanë marrë 200 mijë euro.
Për këta shtetas, Gjykata e Shkallës së parë Fier, me vendimin e datës 17. 05. 2018, ka vendosur masën e sigurisë “Arrest me burg” për veprat penale “Mashtrimi” dhe “Mashtrim i kryer në bashkëpunim me pasoja të rënda”.
Njoftimi i Policisë së Fierit
Sektori për Hetimin e Krimit Ekonomik ndalon 2 shtetas të shpallur në kërkim për veprën penale “Mashtrimi me pasoja të rënda”.
Specialistët e Sektorit për Hetimin e Krimit Ekonomik e Financiar në Drejtorinë Vendore të Policisë Fier, ndaluan shtetasit:
1. Fisnik Kajolli, 34 vjeç
2. Migena Kajolli, 27 vjeçe (bashkëshortë), banues në Dërmënas, Fier.
Këta shtetas në bashkëpunim me njëri tjetrin, kanë mashtruar persona të ndryshëm në qytetin e Fierit duke u premtuar se do i punësonin në kompani të ndryshme private dhe u kanë marrë shuma të konsiderueshme parash prej rreth 200 mijë euro.
Për këta shtetas, Gjykata e Shkallës së parë Fier, me vendimin e datës 17. 05. 2018, ka vendosur masën e sigurisë “Arrest me burg” për veprat penale “Mashtrimi” dhe “Mashtrim i kryer në bashkëpunim me pasoja të rënda” parashikuar nga Nenet 143/1, 143/3 e 25 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
