Një person ka mbetur i plagosur para pak minutash tek Komuna e Parisit, pas një konflikti të çastit. Burime për Syri.net, bëjnë me dije se pas një konflikti të çastit një qytetar është sulmuar nga dy persona të tjerë, të cilët e kanë lënë të plagosur.
Në mungesë të ambulancës i plagosuri është dërguar në spital me mjete private i shoqëruar nga policia, ndërsa dy personat e tjerë janë shoqëruar në polici.
Mësohet se grindja ka ndodhur për motive të dobëta.
Informacion paraprak
Më datë 17.05.2018, rreth orës 21:20, në një lulishte në zonën e “Komunës të Parisit”, ka patur një konflikt për motive të dobëta midis shtetasve D. L., E. M., dhe E. M., ku për pasojë shetasi D. L rreth 26 vjeç është goditur me mjet prerës (në bark) nga shtetasit E. M., dhe E. M., ( at dhe bir).
Shërbimet e policisë kanë shoqëruar shtetasit E. M., dhe E. M., ( at dhe bir), në ambientet e policisë për veprime të mëtejshme hetimore.
Shtetasi i dëmtuar ndodhet në spital nën kujdesin e mjekëve.
