Komuniteti Mysliman Shqiptar ka marrë vendim për të shkarkuar nga detyra, Myftiun e Tiranës, Ylli Gurra, por më pas kreu i komunitetit mysliman shqiptar Skënder Brucaj është tërhequr, raporton tpz.al i cili i referohet burimeve të pakonfirmuara por të besueshme në komunitetin mysliman.
Shkarkimi i tij vjen si pasojë e daljeve në media të Gurrës, pa lejen e kryetarit Skënder Bruçaj. Gurra ka dhënë sot një deklaratë përmes së cilës kërkonte ndërprerjene debatit politik përgjatë muajit të Ramazanit ndërkohë që debati dhe skandalet janë në pikën kulmore në politikën shqiptare.
Për shkak të këtij vendimi, është shantazhuar kryetari i Komunitetit Mysliman, Skënder Bruçaj, nga kryebashkiaku i Tiranës, Erion Veliaj. Ky i fundit e ka kërcënuar Bruçajn, me pezullim të lejes së godinës për Universitetin Beder, që ndodhet në Sauk.
Fill pas këtij presioni, Bruçaj është tërhequr.
Gurra i përket rrymës së Erdoganit në komunitetin mysliman ndërkohë që Brucaj vjen nga shkollat e Gylenit.
Qeveria nuk e shikon me sy të mirë Brucajn, qoftë edhe nga presioni i Ankarasë. Tek një ceremoni e zhvilluar pak ditë tek Vila e ish diktatorit Enver Hoxha, tek ish Blloku kryeministri Rama u dha medalje falenderimi të gjithë kryetarëve të feve në vendin tonë. Por në vend që këtë medalje ta merrte kryetari i Komunitetit Skënder Bruçaj i cili ishte prezent, Rama ia dha Myftiut të Tiranës, Ylli Gurrës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
