Teologu Ermir Gjinishi i ftuar në emisionin “Arena” nga Dritan Hila në Ora Neës, është shprehur se Shqipëria po e shikon seriozisht çështjen e Gylenit.
Gjinishi: Nuk ka veprime konkrete të qeverisë Shqiptare që na alarmojnë, si anëtarë në NATO, Shqipëria ka marrëdhënie normale me Turqinë. Mendoj se Shqipëria po e shikon seriozisht çështjen e Gylenit vetëm pasi jemi shtet fqinj dhe mendoj se jemi korrekt. Ne nuk varemi nga Erdogan apo Gylen.
Ish-atasheu i Shqipërisë në Ankara, Hajro Limaj i ftuar në “Arena” nga Dritan Hila thotë qeveria turke jep fonde të posaçme që po investohen në Shqipëri.
Limaj: Qeveria turke ka fonde të posaçme që investohen në Shqipëri dhe gjithë botën shqiptare. Siç solli fondacionin Marif me miliona euro për të zhdukur arsimin e gylenistëve. Këtu ka hyrë shteti në luftë, prandaj më shqetëson. Ai po dëmton Shqipërinë. I vetmi investim më i mirë në Shqipëri nga bota e jashtme janë kolegjet, ku studentët shqiptarë kanë bërë emër edhe jashtë.
