Kafshimet e një qeni të racës pitbull i kanë shkaktuar vdekjen një 58-vjeçari nga Elbasani, Rifat Bajramit.
Bajrami ka humbur jetën sot pas disa ditëve lëngim në spitalin e Elbasanit.
Pas kafshimit të qenit, ai kishte pësuar trombozë.
Ky nuk është rasti i vetëm në Shqipëri me kafshime nga qen agresivë si pitbullë. Një vit më parë, një kryefamiljar e qëlloi me armë dhe e vrau një qen të tillë pasi ai i rrezikoi jetën gruas dhe fëmijës së tij.
Jashtë vendit, një foshnje shqiptare rreth 1 vjeçe humbi jetën nga kafshimet e dy qenve pitbullë që gjyshi i saj i mbante në shtëpi. Loja e fëmijës me qentë përfundoi me vdekjen e tmerrshme të fëmijës nga kafshimet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
