Ne vetëm 7 ditë diferencë, nga seanca në seancë e Kuvendit, kryeministri Edo Rama ka demonstruar dy sjellje, të kundërta, për një njeri, për më tepër për një kryeministër.
Javën e kaluar, në seancën plenare të Kuvendit, kryeministri bënte arrogantin, kur deklaronte i sigurt për vendosjen e taksës së rrugës. Më se një herë ai hyri në debat me kreun e PD-së, kur mes lojëra fjalësh, mohonte taksimin e dyfishtë nëpërmjet taksës së qarkullimit apo taksës së karburantit, apo kur mes batutave ironike, ju rrëfente banorëve të zonës si nuk mund të përjashtoheshin nga pagesa e taksës, sepse kjo do të ndodhte edhe kur të bëhej me pagesë autostrada Tiranë – Durrës apo të tjera rrugë.
Nuk munguan në seancën e kaluar, por edhe në ditët në vazhdim edhe argumente “e praktikave ndërkombëtare të pagesave”, apo “vetëkënaqësitë” se taksa e tij është me e ulët nga ajo që nuk e vuri PD.
Sot, në seancën e radhës plenare të Kuvendit, kush ka ndjekur seancën e kaluar, nuk do e njihte Edi Ramën.
Ndryshimi ishte i dukshëm që në fjalët e zgjedhura, ku mungonte arroganca, prepotenca por edhe ironia. Dhe jo vetëm kaq, por ai ndryshimin e bëri me ato çka deklarojë, duke gëlltitur ato që deklaroi një javë më parë.
“Na mungoi intuita, për të sqaruar banorët”, u shpreh Rama sot.
Por deklarata që “rroku” duartrokitjet e deputetëve të vetëm socialistë në sallë ishte se “nuk do fillojmë sistemin e pagesës pa dhënë zgjidhjen e mundshme për banorët e asaj zone”.
Problemi pas kësaj tërheqje të Edi Ramës mbetet ata protestues të arrestuar e mbetur në burg. Farë do të bëhet me ata pas “mungesës së intuitës” së Edi Ramës. DRONI.al
