Ndërkohë që vazhdon debati në Komisionin e Medias, që ka thirrur për raportim ministren e Kulturës, Mirela Kumbaro për çështjen aq të debatuar të shembjes së godinës së Teatrit Kombëtar, që ka ngritur në këmbë komunitetin e artistëve dhe jo vetëm, dalin fotot e projektit italian të asaj godine.
Në këto foto, duken hapat e projektit, faza e parë e të cilit i takon viteve 1938-1940. Me detaje janë të përshkuara të gjitha sallat brenda godinës, përfshirë edhe sallën e vallëzimit, fushën sportive, pishinën, kuzhinën, restorantin, zyrat e me radhë. Gjithçka që fakton se ndërtesa nuk ishte e përkohshme.
Kujtojme se Kryetari i Bashkisë së Tiranës Erion Veliaj i ftuar në emisionin “Opinion” në “TV Klan” deklaroi se godina e Teatrit Kombëtar nuk ka asnjë vlerë monumentale. Kryetari i Bashkisë së Tiranës Erion Veliaj ka zbuluar një studim të ekspertëve më të mirë italianë të publikuar në vitin 2012 në kohën e Bashës, ku theksohej se Teatri Kombëtar nuk përbënte monument kulture.
Ja cfare tha Erion Veliaj
Sipas këtij raporti, Teatri kombëtar i ndërtuar nga italianët kishte qëllim të përkohshëm dhe ishte ndërtuar me materiale skarco , madje me material asbesti që është i dëmshëm për shëndetin e artistëve.
“Kemi marrë një kërkesë, kemi marrë një ofertë për t’u siguruar që ne kemi një teatër pa kullë, një teatër modern , një teatër që largohet nga tallashi, algat dhe shkrepëset skarco me të cilat kemi bërë panelet, një teatër që ka ngrënë jetët e shumë aktorëve të cilët ne nuk i dimë se çfarë shkakton në momentet që është. Një teatër që në vitin ’ 43 është kërkuar që të largohet.
Raporti i arkitektëve italianë të arkitekturës që e kanë studiuar se çfarë vlen nga arkitektura fashiste e deklarojnë një gjë të përkohshme vetëm për periudhën e luftës të bërë me materialet ushtarake”, tha Veliaj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
