Një shqiptar 50-vjeçar është plagosur si pasojë e një aksidenti që ka ndodhur në qytetin Linz të Austrisë. Shqiptari ishte duke drejtuar kamionin e tij rreth orës 06:40, në drejtim të Linzit në rrugën B12 dhe është përplasur me një maune duke goditur rimorkion e saj.
Nga aksidenti është plagosur shoferi shqiptar, i cili është transportuar me urgjencë në spitalin e Linzit.
Kamioni ka pësuar dëme të konsiderueshme në pjesën e përparme. Rimorkioja e maunës është dëmtuar pjesërisht. Policia austriake po punon për zbardhjen e aksidentit.
