Ish-deputeti Koco Kokëdhima ka deklaruar sot edhe publikisht permes një postimi në rrjetet sociale shifrat e mëdha që duhet të paguajnë emra të njohur për tu bërë deputet përmes listave të mbyllura të partive politike në Shqipëri.
Koco Kokëdhima ka qenë vetë deputet i PS-së. Ai u kandidua për deputet në një zonë dhe një vend të sigurtë në listë në vitin 2013 edhe pse nuk ishte anëtar i PS dhe as një prej anëtarëve të forumeve të saj. Nëse ky është cmimi që thotë Kokëdhima, i bie që të ketë paguar shumë pasi ka qenë edhe biznesmen. Nderkaq pas fitores si deputet fitoi shumë pushtet në jug të vendit duka caktuar edhe disa kandidatë për kryetar bashkishe dhe drejtorë rajonalë, të cilët sipas Kokëdhimës duhet të paguajnë shumë për të marrë këtë post.
Askush më mirë se Koco nuk i di cmimet.
Komenti i Kokëdhimës për cmimet tavan dhe dysheme:
“Për të vënë kandidaturën për deputet në partitë e vjetra duhet të paguash kryetarët, sekserët dhe ortakët e tyre që mund të jenë sekretarë të përgjithshëm, nënkryetarë, kryetarë grupi, ministra apo ish-ministra etj, me shuma nga 200 deri në 300 mijë euro. Dëshiron të vësh kandidaturën për kryetar bashkie? Duhet të paguash si më sipër kryetarët e partive të vjetra nga 200 mijë deri në 500 mijë euro. Bashkia e Tiranës ka situatë tjetër. Fondet që mblidhen ilegalisht dhe nëpër xhepa nga kryetarët e partive të vjetra dhe kandidatët për kryetar bashkie në Tiranë shkojnë në mbi 30 milionë euro. Fiton apo i humbet zgjedhjet partia, kryetarët fitojnë gjithmonë miliarda lekë”.
