Votimi elektronik është rikthyer si debat në seancën plenare të Kuvendit sot, ndërsa ish-kryeministri Sali Berisha, ka adresuar akuza të rënda ndaj pasardhësit ët tij Edi Rama, deri në akuza për lidhje të tij me bandat kriminale.
“Edi Rama është regjistruar nga shërbimet partnere në komunikime kriminale. Ai është kreu i meduzës së krimit në Shqipëri”, u shpreh midis të tjerave Berisha.
Akuzat e Berishës, erdhën pas një analize që ai i bëri përpjekjeve të Edi Ramës, për të penguar votimin elektronik.
“Gramoz Ruçi shprehu qëndrimin e Edi Ramës.
Pranoni propozimin e partive të opozitës për votim elektronik, si rruga e vetme për zgjedhje të lira e të ndershme ne një shoqëri demokratike. Kjo është rruga më e mirë siç bëjnë edhe qytetarët anglezë, madje edhe somalezë.
Ju po bindni me këtë qëndrim shqiptarët se zgjedhje të lira nuk mund të ketë.
A e kuptoni se ju, ju drejton armiku më i madh i votës së lirë.
Me referendumet për kryetar brenda PS ai mund të bëjë ç’të dojë, por jo me shqiptarët.
Me një sistem on-line të votimit të emigrantëve, kryetari juaj përfundon në koshin e plehrave të historisë.
Atë e menaxhojnë bandat e krimit dhe ju nuk ju pyet fare.
Po bëhet e njëjta gjë me ‘Hakmarrjen për Drejtësi’ si me Aldo Baren.
Edi Rama është regjistruar nga shërbimet partnere në komunikime kriminale. Ai është kreu i meduzës së krimit në Shqipëri.
E keni mendjen të lironi Aldo Baren, jo të bëni zgjedhje të lira e të ndershme”, u shpreh Berisha.
DRONI.al
Sali Berisha fakte dhe akuza të rënda për lidhjet kriminale të Edi Ramës
