Kapja e një sasie të madhe të kokainës ka tërhequr vëmëndjen e ndërkombëtarëve në Tiranë.
Ambasadori i SHBA në Tiranë Donald Lu tha se sasia e madhe e kapur tregon se tregtia e drogave të forta ëhstë rritur.
“Ambasada e Shteteve të Bashkuara dhe Administrata Anti-Drogë e Shteteve të Bashkuara (DEA) përgëzojnë Policinë Shqiptare të Shtetit për kapjen e 614 kilogramë kokainë kolumbiane dje në Durrës. Kjo është sasia më e madhe e kokainës apo heroinës që është kapur prej vitesh. Është një tregues pozitiv i vigjilencës së policisë, por edhe një shenjë shqetësuese se trafikimi i kokainës dhe drogave të tjera është në rritje. Shtetet e Bashkuara do të vazhdojnë të ndihmojnë dhe mbështesin përpjekjet në zbatimin e ligjit për të parandaluar trafikimin e drogave në Shqipëri dhe për të arrestuar personat përgjegjës”, thuhet në një deklaratë të Ambasadorit të Shteteve të Bashkuara Donald Lu.
Po ashtu ka reaguar edhe zyra e BE-së në Tiranë, e cila përmes ambasadores Vlahutin përshëndet aksionin e policisë.
