Një 34-vjeçare dhe vjehrri i saj kanë mbetur të vdekur në një aksident i rëndë mëngjesin e sotëm tek “Mali i Robit” në Kavajë. Ata po prisnin në anw tw rrugës, autobusin bashkë me djalin 8 vjeç kur janë goditur nga një automjet që drejtohej nga një 30-vjeçare. Fwmiaj 8-vjeçari me sa duket është mbrojtur nga nëna e tij dhe ndodhet në spital i plagosur.
Në makinë sipas dëshmive kishte dy persona brenda. Automjeti është përplasur dhe kthyer përmbys, por ka aksidentuar edhe 2 kalimtarët.
Shkak i këtij aksidenti tragjik mendohet se ka qenë shpejtësia e madhe dhe lagështira në rrugë, lajmi është konfirmuar edhe nga policia.
Njoftimi i plotë i Policisë
Me datë 24.02.2018 rreth orës 07:40, tek Mali i Robit në afërsi të Kavajës, ka ndodhur një aksident me pasojë vdekjen.
Mjeti tip “Toyota” me drejtuese I. P., 30 vjeçe, ka aksidentuar me pasojë vdekjen 2 shtetas (vjehrri dhe nusja) shtetasit Xh. F., 69 vjeç dhe E. F., 34 vjeçe.
Gjithashtu është lënduar edhe fëmija i mitur XH. F., 8 vjeç, i cili u transportua në spitalin e Durrësit, dhe ndodhet nën kujdesin e mjekëve .
Paraprakisht dyshohet se shkak i aksidentit ka qenë humbja e kontrollit gjatë drejtimit të mjetit.
Grupi hetimor po kryen veprimet për zbardhjen e plotë të aksidentit, ndërsa drejtuesja e mjetit është shoqëruar në Komisariat për veprime të mëtejshme.
