“Reporter i BE-së” ka kerkuar falje sot Shkelzen Berishes per nje shkrim te publikuar me heret ne kete gazete online rreth perfoljeve nga disa media ne Shqiperi ndaj djalit te ish-kryeministrit. Eureporter publikoi me 14 shkurt një histori rreth akuzave te ngritura ndaj tij nga nje person ne Tirane ne lidhje me privatizimin e CEZ.
Eureporter “pranon se janë mashtruar dhe se këto akuza janë krejtësisht pa bazë”: Ne i kërkojmë z. Shkëlzen Berisha ndjesën tonë pa rezerva. Media ka ndërprerë lidhjet me gazetarin që ka publikuar artikullin e parë.
“Eureporter” shkruan më tej: “Z. Berisha dëshiron të theksojë:
Unë kurrë nuk kam udhëtuar me z. Kalaj në Pragë. Provat, për të cilat pretendoni se janë në dosjen e gjykatës, nuk ekzistojnë. As dosja e gjykatës në të cilën ju referoni, as dosja e komisionit parlamentar nuk përmban ndonjë dëshmi për një pohim të tillë. Në fakt, kjo nuk është përmendur as në argumentet publike të fryra.
Unë kurrë nuk kam diskutuar për çështjen e privatizimit me drejtorët e kompanive të ndërmarrjeve çeke, bashkëpunëtorët e tjerë të kompanisë, apo këdo tjetër. Provat, për të cilat pretendoni të jeni në dosjen e gjykatës, nuk ekzistojnë. As dosja e gjykatës në të cilën ju referoni, as dosja e komisionit parlamentar nuk përmban ndonjë dëshmi për një kërkesë të tillë.
Unë kurrë nuk kam pasur në pronësi një vilë. Kam blerë një apartament në vitin 2013, nëpërmjet një kredie bankare, të cilin më vonë e kam shitur në vitin 2016. Kjo ka qenë pasuria ime e vetme e paluajtshme. Kini parasysh se kjo është e ditur publikisht dhe mund të provohet me lehtësi nga deklarata e pasurisë e paraqitur çdo vit nga unë, që nga viti 2006.
Në lidhje me shpërthimin në Gërdec, gjykata nuk hodhi poshtë asnjë akuzë kundër meje, sepse nuk kishte asnjë! Për arsye të thjeshtë se nuk kam pasur lidhje me të! Ka pasur një gjyq të gjatë në Shqipëri rreth shpërthimit në Gërdec, që ka konsumuar të gjitha hapat e gjyqësorit, me shumë të dënuar, me qindra dëshmi dhe kurrë nuk u shfaq emri im gjatë gjithë këtij procesi ligjor, as edhe një herë.
Unë e konsideroj pohimin se z. Kalaj është miku im, ose bashkëpunëtori im në ndonjë mënyrë, i rremë dhe pa prova. Ju lutem vini re gjithashtu se nëse ky artikull shërben si referencë ndaj palëve të tjera, tani ose në të ardhmen, unë do ta cilësoj autorin dhe botuesin bashkërisht përgjegjës për dëmet e shkaktuara dhe do ndërmarr veprimet e nevojshme ligjore”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
