Plot 33 persona kanë testuar pozitiv për HIV në qytetin indian të Bangarmaut, nw Indi, pasi një mjek i pakualifikuar i injektoi disa prej tyre me një shiringë të infektuar. Në testet e HIV të realizuara në kampet të organizuara nga qeveria morën pjesë 566 persona nga të cilët 33 rezultuan me HIV.
Arun Pratap Singh, një zyrtar i policisë Bangarmau, tha se një dosje hetimore ishte hapur kundër mjekut të dyshuar të identifikuar si Rajendra Kumar, i cili është arratisur. Kampet u krijuan pas disa rasteve të dyshuara me HIV të zbuluara gjatë testeve rutinë në spitalet e rretheve në Bangarmau në fund të vitit të kaluar, tha SP Choudhar, zyrtar i qeverisë.
“Ne i kërkuam pacientëve me HIV gjëra të ndryshme për të gjetur burimin e infeksionit. Kur i pyetëm këta pacientë nëse kishin përdorur shiringa të zakonshme, disa prej tyre thanë se kur shkuan në spital një mjek ka përdorur të njëjtën shiringë tek të gjithë pacientët”.
