Dëshmia e pritshme e Shkëlzen Berishës para komisionit hetimor për privatizimin e OSHEE-së, ka nisur me refuzimin e tij, për tu betuar dhe për të dhënë gjeneralitetet para Taulant Ballës, me arsyetimin se ishte borxhli ndaj tij, me vendim gjykate dhe se kishte konflikt interesi.
Pas disa debateve, kryetari i Komisionit mbylli mbledhjen duke deklaruar se nuk jepte dorëheqjen dhe se dëshmitari do të thirrej sërish për të dëshmuar.
Debatet në komision
Taulant Balla: Ju lutem dëshmitar, betohuni dhe thoni gjeneralitetet.
Shkëlzen Berisha: Gjeneralitetet e mia i ke te vendimi i gjykatës, ku ti je dënuar për shpifje ndaj meje. Betimi nuk bëhet para një personi të dënuar për shpifje’
Dhurata Çupi: Taulant Balla ke konflikt interesi.
Taulant Balla: Ju kujtoj se nuk kam konflikt interesi me ty apo babanë tënd.
Shkëlzen Berisha: Ky vendim gjykate tregon se tij je borxhli ndaj meje. Në qoftë se ti kërkon të vërtetën çohu nga ai vend se ke konflikt interesi dhe je borxhli ndaj meje.
Arben Ristani: Dëshmitari ka një problem personal me kryetarin e komisionit. Krijojini mundësinë që dëshmia të merret në rrugë të ligjshme
Taulant Balla: Seanca ndërpritet. Dëshmitari nuk pranon të bëjë betimin. Do të thirret përsëri.
DRONI.al
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
