Një shqiptar dhe një nigerian janë arrestuar në Itali në kuadër të një operacioni anti-drogë në Livorno.
Në pranga ka përfunduar shqiptari Vlash Isufaj, 37 vjeç dhe nigeriani Lucky Okonoboh, 33 vjeç, pasi u kapën duke transportuar lëndë narkotike të fshehur në qeset e zeza që përdoren për plehra.
Shqiptari është ndjekur nga karabinierët, teksa ai zbret nga makina dhe futet në një apartament ku jetonte nigeriani.
Policia ka ndërhyrë duke arrestuar në flagrancë dy trafikantët dhe sekuestroi 6.2 kg marijuanë të fshehur në qeset e zeza, njoftojnë mediat italiane.
Në kuadër të këtij operacioni, në 15 janar të këtij muaji, policia italiane arrestoi edhe dy shqiptarët e tjerë Mariglen Sheraj dhe Andi Hoxhaj të cilët janë pjesë e së njëjtës bandë.
