Dy inspektorë tatimorë në Fier janë prangosur nga policia nën akuzën për korrupsion.
Sipas burimeve të Policisë Vendore, mësohet se Florjan Zhaka 35 vjeç, banues në Fier, me detyrë përgjegjës i zyrës, analizës dhe informacionit në Drejtorinë Rajonale Tatimore Fier dhe Asqeri Tahiraj 55 vjeç, banues në Fier, me detyrë Inspektor Zbatimi pranë Hetimit Tatimor në Drejtorinë e Tatimeve Fier dyshohet se morën 7 mijë euro ryshfet nga një subjekti tregtar me qëllim shmangien e sanksioneve tatimore. Arrestimi i tyre u bë pas një pune hetimore 2 mujore.
Materialet i kaluan Prokurorisë pranë Gjykatës së Shkallës së Parë Fier për veprën penale “Korrupsion pasiv” e kryer në bashkëpunim.
