Një ngjarje e rëndë është shënuar mëngjesin e sotëm në fshatin Mëzes në Tiranë ku djali ka goditur me mjete të forta babanë e tij 69 vjeç. I ati Mhill Rica ndodhet në spital në gjendje të rëndë shëndetësore e ndërsa Florian Rica është shoqëruar në komisariatin numër 6 në Tiranë.
Burime për “Panorama” bëjnë me dije se 37-vjeçari dyshohet të jetë me probleme mendore. Po ashtu pas dhunimit ai ka tentuar ta hedhë atë nga ballkoni i banesës.
Informacioni paraprak i Policisë
Më datë 05. 01. 2018, në rrugën “Sokrat Miho”, në banesë, shtetasi Florian Rica, vjeç 37, ka goditur me mjete të forta të atin shtetasin Mhill Rica, vjeç 69, i cili ndodhet në spital në gjendje të rëndë. Floriani u shoqërua në Komisariatin nr. 6. Punohet për sqarimin e rrethanave të ngjarjes.
