Në bashkëbisedimin që pati me gazetarët mesditën e sotme, kryetarja e LSI, Monika Kryemadhi u pyet në lidhje me qëndrimet e Presidentit Meta për reformën në drejtësi dhe çështjen e Kryeprokurorit. Më konkretisht, një nga gazetarët shtroi pyetjen, nëse ka ardhur koha që Meta të thërrasë në një tryezë krerët e 3 partive politike për reformën në drejtësi, por Kryemadhi i surprizoi të gjithë me përgjigjen e saj.
“Të them të drejtën kam nja 12 ditë që s’e kam parë Metën dhe për reformën s’kam folur se nuk më intereson fare çfarë bën Presidenti për reformën. Kushtetuta ia ka heq të drejtën të merret me këtë gjë. Kjo është një sjellje e klasës politike, që duhet të ndryshojë sjelljen e saj, se pari mazhoranca”.
