DETAJE/ Flet prokurorja, ja cilat dosje janë zhdukur nga zyra e saj në Prokurorinë e Elbasanit

Prokurorja Amanda Xhaferri, nga zyra e së cilës në Prokurorinë e Elbasanit janë zhdukur tri dosje ka denoncuar në polici këtë akt.
Sipas saj, “Kjo mënyrë veprimi që kanë hyrë në zyrën time, pa praninë time, pa dijeninë time dhe kanë marrë dosjet penale që unë kam pasur në ndjekje penale, nuk është normale. Theksoj se, unë si prokurore kam përgjegjësi për materialet e administruara në fashikullin hetimor të çdo dosjeje dhe për më tepër, kur bëhet fjalë për dosje të rëndësishme dhe me materiale sekrete dhe delikate”, është shprehur Prokurorja.
Sipas dëshmisë së prokurores, dosjet që janë zhdukur janë: procedimi penal nr 1531 e vitit 2015, rreth 13 volume dhe procedimet me nr.740 dhe nr. 790 të vitit 2016.