Specialistët e Seksionit të Qarkullimit Rrugor, në Komisariatin e Policisë Elbasan kanë arrestuar në flagrancë shtetasin maqedonas Dimitar Sivevski, 26 vjeç. Sipas uniformave blu ai ka përplasur për vdekje një qytetar në zonën e Librazhdit.
Njoftimi i policisë: Arrestimi i tij, u bë pasi në aksin rrugor Elbasan–Librazhd në fshatin Labinot-Fushë, duke drejtuar mjetin tip “Benz” kamion me targa BT631DM dhe traleri BT866DH, ka aksidentuar me vdekje, këmbësorin shtetasin A.M., 38 vjeç banues në fshatin Griqan, Labinot -Fushë. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor” parashikuar nga neni 290 i Kodit Penal.
