Pavarësisht përpjekjeve të qeverisë për të vënë “nën frena” policinë e shtetit, duket se policët rrugorë që mund t’i rezistojnë ryshfeteve numërohen me gishta.
Rasti i fundit ka qenë ia që ka mbërritur në redaksinë e “JoQ.al”, ku disa të rinj kanë filmuar një police femër tek korruptohet me vetëm 5 mijë lekë të vjetra.
Ngjarja ka ndodhur mbrëmjen e kaluar, në autostradën Tiranë-Durrës, në Vorë. Policia është filmuar duke u kërkuar hapur ryshfet 4 djemve që ishin nisur drejt Shijakut.
Nga ana tjetër, ata shprehen se i dhanë 5 mijë lekë të vjetra për tu tallur me të, ndërkohë që policia shihet duke i marrë.
Në denoncimin e tij, ai thotë se:
“Pershendetje JOQ! Sapo ndodhi, isha tu shku per Shijak 4 cuna dhe na ndalon postoblloku në Vor dhe afrohet vetem 1 police femer. U kap me driten e djegme te makines dhe me i shokun tim qe nuk kishte kartë identifikimi me vete. Pastaj na tha ju jeni 4 veta u jam 1…i bie të me jepni ju kafe. I dham 500 lek te reja per tu tall dhe ajo mori! Thot sjan shum per 500 lek por i mori”.
